Mingəçevir Şəhər Polis Şöbəsinin əməkdaşları karantin postunda xidmət aparan zaman şəhərə daxil olmaq istəyən “VAZ-2106” markalı avtomobildə olan sərnişinin COVID-19 xəstəsi olduğunu aşkar ediblər.
Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, Göyçay şəhər sakini Abidə Yusifova koronavirus xəstəsi olmasına və ev şəraitində müalicə almasına baxmayaraq, qaydaları pozub yaşadığı ünvanı tərk edərək qohumuna məxsus avtomobillə Göyçaydan Mingəçevir şəhərinə gələrək virusun yayılmasına şərait yaradıb.
COVID-19 virusunun daşıyıcısı olan digər bir şəxs Zərdab rayon sakini Elvin Məmmədli də Mingəçevir şəhəri ərazisinə daxil olmaq istəyərkən karantin postunda saxlanılıb. Əraziyə həkim briqadası dəvət olunub və həmin şəxslər yaşadıqları rayonlarda qeydiyyatda olduqları ünvanlara geri qaytarılıblar.
Faktlarla bağlı Polis Şöbəsində araşdırma aparılır.
Azərbaycanda koronavirus xəstəsi yaşadığı evi tərk etdi
Azərbaycanda 2 koronavirus xəstəsi həbs olundu - FOTOLAR
Azərbaycanda 51 COVID-19 xəstəsi barəsində cinayət işi başlanıldı
Mingəçevirdə mal-qara oğrusu saxlanıldı
Bakıda koronavirus xəstəsi marketdə işləyirmiş - FOTO
