Öz vəkillərinə vəkillik edən Kollegiya

Azərbaycan Respublikası Vəkillər Kollegiyasının üzvü, 20 saylı Vəkil Bürosunda fəaliyyət göstərən vəkil Hüseynzadə Mehdi Pəli oğlunun barəsində Vəkillər Kollegiyasının Rəyasət Heyətinə “Korrupsiya və Qanun” qəzetinin baş redaktoru Xuraman Quliyevanın göndərdiyi müraciətinə üstündən xeyli müddət keçəndən sonra nəhayət ki, cavab gəlmişdir. Rəyasət Heyətinin sədr müavininin imzaladığı 11.01.2021-ci il tarixli 39 saylı həmin məktubda bildirilir ki, müraciətə Vəkillərin İntizam Komissiyasında araşdırılaraq müvafiq rəy verilmiş və həmin rəyə Rəyasət Heyətinin icalsında baxılmışdır. Həmçinin bildirilir ki, qəbul edilmiş qərara əsasən ərizədə qeyd edilən məlumatların araşdırılması Rəyasət Heyətinin səlahiyyətinə aid olmadığından, məsələyə hüquqi qiymət verilməsi mümkün olmamışdır.

Bu barədə məlumatı “Korrupsiya və Qanun” qəzetinin oxucuları ilə bölüşməyi məqsədəuyğun hesab edən X.Quliyeva haqlı olaraq belə bir sual ortaya qoyur: “Nəyə görə ərizə göndərdiyi vaxtdan cavab alana kimi keçən müddət ərzində dəfələrlə zəng edib nəticəni soruşduğu hallarda ona Vəkillər Kollegiyasının Rəyasət Heyətinin M.Hüseynzadənin hərəkətinə (hərəkətsizliyinə) hüquqi qiymət vermək səlahiyyətinin olmadığı deyilməyib, boşuna vaxtı alınıb? Nəyə görə cavab məktubunda belə səlahiyyəti olan orqanın adı çəkilməyib və müəllifə məhz həmin orqana müraciət etmək tövsiyə olunmayıb? Ümumiyyətlə, birdən Vəkillər Kollegiyasının Rəyasət Heyəti vəkilin əməllərində cinayət tərkibi görmüş olsa, o halda da hərəkətsizlik edəcəkmi?

X.Quliyeva Vəkillər Kollegiyasına növbəti müraciəti ilə İntizam Komissiyasının vəkil M.Hüseynzadə barədə araşdırmasına verdiyi rəyi almağa hazırlaşır. Görək, bu dəfə nə cavab verəcəklər?!

“Korrupsiya və Qanun” [xfgiven_embed] [/xfgiven_embed] [xfgiven_youtube][/xfgiven_youtube]