Polis Akademiyasının Kriminalistika kafedrasının kriminalistika fənni üzrə kursantlar üçün “Dələduzluq cinayətlərinin araşdırma metodikası” mövzusunda mühazirəsində qeyd olunur ki, “dələduzluq cinayəti çox vaxt o şəxslər tərəfindən törədilir ki, onlar müəyyən yaş həddinə çatmış, hiyləgər xarakterə malik, özünə adamları cəlb etməyi, maraqlandırmağı bacaran, yüksək ideyalar bəxş etmək kimi xüsusiyyətlərə malikdirlər.
Haqqında söz açdığımız dələduzluq əməlini törətdiyi iddia olunan şəxs də orta yaş həddini keçib, özünə adamları cəlb etməyi bacaran biridir.
Vətəndaş İsmayıl Tale “Korrupsiya və Qanun” qəzeti redaksiyasına ərizə ilə müraciət edərək, məruz qaldığı dələduzluq faktının KİV-də ictimailəşdirilməsini və aidiyyəti qurumlara çatdırılmasını xahiş edib. Bildirir ki, Məmmədova Çimnaz Allahyar qızı onun səmimiyyətindən və etibarından sui-istifadə edərək, 2022-ci ilin sentyabr ayında qohumunu işə düzəltmək adı ilə ondan ayrı-ayrı vaxtlarda üst-üstə 39000 (otuz doqquz min) manat pul alıb. Amma ötən müddət ərzində verdiyi vədə əməl etməyib, qohumunu işə düzəltməyib.
İsmayıl qeyd edir ki, pulun bir hissəsini Çimnazın 5 oğlundan ikisinin - Teymur və Nihad Məmmədov qardaşlarının bank kartlarına köçürüb: “Hal-hazırda hər gün bir bəhanə ilə məni aldadır, dəfələrlə xəbərdarlıq etməyimə baxmayaraq, pulumu qaytarmır”.
Göründüyü kimi, şikayətçinin əlində pulu həqiqətən barəsində şikayət etdiyi şəxsə verməsini təsdiqləyən etibarlı sübutlar (bank kartı vasitəsilə köçürmə qəbzləri və s.) vardır. Təhqiqat həmçinin dələduzluqda şübhəli bilinən şəxsin əlaqədə olduğu vəzifəli şəxsi (şəxsləri) də müəyyən etməli, dindirməlidir. Axı söhbət rüşvətlə işə düzəlmədən gedir.
X.Ə.Quliyeva
Polad Bülbüloğlunun qardaşına qarşı 200 minlik Dələduzluq
Elnur Nağızadəyə qarşı 150 minlik dələduzluq ittihamı
“Gülsatan oğlan” dələduzluq edib
Təqaüdü bərpa etmək adı ilə adamları aldadan şəxsin şantaj əməlinin üstü açıldı.
Əməkdar artist Elza Seyidcahanın (Qasımova) anasına qarşı dələduzluq edilib.
