Övlad arzusunda olan qadın özünü binadan atdı: Ailəsi təzyiq göstərirmiş

Bakıda intihar edən 30 yaşlı qadınla bağlı bəzi detallar məlum olub.

APA TV-yə istinadən xəbər veririk ki, intihar edən Zenfira Həmidova uzun müddət evli olsa da uşaq dünyaya gətirə bilməyib.

Hadisə şahidləri bildirirlər ki, Z.Həmidova 12-ci mərtəbədən özünü atmaq istəyərkən, ona mane olmağa çalışıblar. Amma onun qarşısını ala bilməyiblər.

Qonşular bildirib ki, Z.Həmidova bir müddət əvvəl həyat yoldaşından ayrılıb. Ailədaxili problemləri olub.
09:56

Bakıda intihar hadisəsi baş verib.

Hadisə paytaxtın Nəsimi rayonu, Cavadxan küçəsindəki binalardan birində qeydə alınıb.

1994-cü il təvəllüdlü Zenfira Həmidova 12-ci mərtəbədən özünü ataraq öldürüb.

Onun intihar etməsinin səbəbləri hələlik məlum deyil.

Faktla bağlı araşdırma aparılır.