ABŞ-ın sabiq prezidenti və hazırkı prezidentliyə namizəd Donald Tramp-a qarşı növbəti sui-qəsd cəhdi baş verib. Oktyabrın 12-də Kaliforniyada keçirilən kampaniya mitinqi zamanı bir şəxs silahla Tramp-a yaxınlaşmağa cəhd edib. Las-Veqas sakini Vem Miller mitinqdə silah və saxta jurnalist vəsiqəsi ilə yaxalanıb və dərhal həbs edilib.
ABŞ mediası yazır ki, Vem Miller 49 yaşındadır, mitinqdən təxminən dörddəbir mil məsafədə yerləşən bir yoxlama məntəqəsində saxta VIP keçid və saxta jurnalist kartları ilə tutulub.
Polis araşdırması zamanı hadisənin Tramp-a qarşı sui-qəsd cəhdi olduğu şübhəsi irəli sürülüb. Lakin bu qəsd planı, erkən ifşa olunduğu üçün mitinq iştirakçılarına və ya Trampa birbaşa təsiri olmayıb.
Vem Miller. Trampa sui-qəsd hazırlayan amerikalı
ABŞ mediasına istinadla bildiririk ki, bu, Trampa qarşı son zamanlar baş verən üçüncü sui-qəsd cəhdidir. Bundan əvvəl, sentyabr ayında Florida ştatında bir golf meydançasında Tramp-a atəş açılmış, lakin həmin hadisə də uğursuz olmuşdu.
Tramp sui-qəsdlərə rəğmən, seçki kampaniyasını davam etdirməyə qərarlıdır və öz təhlükəsizliyinə dair ictimaiyyətə dəfələrlə bəyanatlar verib.
Prezidentliyə namizəd olmaq istəməzdim...` - Donald Tramp
Hillari Klinton: Tramp özü mahiyyəti üzrə heç nə demədiyi üçün insanları çaşdırır
“Lotu Quli”yə sui-qəsd hazırlayan dəstə üzvləri ilə bağlı QƏRAR
ABŞ sefiri Trampa gore isden cixdi
TRAMP AĞ EVDƏ İFTAR VERDİ
