Aprel Şəhidinin qardaşının ayağı sındı: Millət vəkili xəstəxanaya getdi...

Aprel şəhidimiz gizir Pəncəli Teymurovun qardaşı Elbrus Teymurovun sol ayağı qırılıb.
Moderator.az-a danışan şəhidimizin əmisi Şirməmməd Fərəcov bildirib ki, Elbrus həyətlərində iş görərkən ehtiyatsızlıq etdiyi üçün ayağının üstünə ağac düşüb və sol ayağı qırılıb. Təcili olaraq o, Bakıya Elmi-Tədqiqat Travmatologiya və Ortopediya İnstitutuna yerləşdirilib. Ağır əməliyyat keçirən şəhid qardaşının vəziyyətinin indi yaxşı olduğu bildirilir.
Məsələylə bağlı şəhid qardaşına millət vəkili, tanınmış ürək cərrahı Rəşad Mahmudov da baş çəkib. Allah şəhid qardaşımıza şəfa versin.