Yeni tədris ilində ümumi təhsil müəssisələrində məktəbli formasının tətbiqində dəyişiklik olmayacaq. Vahid məktəbli formasının 2020-2021-ci tədris ilindən tətbiqi nəzərdə tutulur. Bu barədə Təhsil Nazirliyinin İnformasiya şöbəsinin İctimaiyyətlə əlaqələr sektorunun əməkdaşı Billurə Hacızadə məlumat verib. Bildirib ki, Təhsil Nazirliyində qeyd olunan məsələ ilə bağlı İşçı Qrupu yaradılıb. Bununla əlaqədar Bakı Tikiş Evinə müraciət olunub, hazırda müvafiq işlər aparılır, dizaynerlər tərəfindən formaların ilkin variantı hazırlanmaqdadır. Yeni məktəbli formasının dizayn layihəsi ictimai rəyə çıxarılacaq, bu zaman valideyn, müəllim və şagirdlərin rəyinə üstünlük veriləcək. Yekun rəydən sonra 2020-2021-ci tədris ilindən ölkənin ümumtəhsil məktəblərində yeni vahid məktəbli forması tətbiq olunacaq.
Məktəbli formasının istehsalı dayandı? - “Görək nə məsləhət görürlər...” - Bakı Tikiş Evi
Məktəbli formasının bahalaşması ucuz mal satışını canlandırdı
Nazirdən "Son zəng"lə bağlı ƏMR
Valideynlərin nəzərinə: bu il məktəbli formasında qiymət artımı olmayacaq
Təhsil Nazirliyindən məktəb formaları ilə bağlı AÇIQLAMA
