Bərdə rayonunda yanğın baş verib

Bərdə rayonunda yanğın hadisəsi baş verib.
Bu barədə Fövqəladə Hallar Nazirliyi məlumat yayıb.
Belə ki, rayonun Qaradəmirçi kəndində ümumi sahəsi 80 m² olan köməkçi tikilinin tavanının yanar konstruksiyaları və içərisinə yığılan taxta materiallar 20 m² sahədə yanıb. Tikilinin qalan hissəsi və bitişik ev yanğından mühafizə olunub.
Alov yanğından mühafizə bölmələri tərəfindən söndürülüb.