30 yanvar 2021-ci il tarixdə Daxili İşlər Nazirliyinin Daxili Qoşunlarının N saylı hərbi hissəsinin hərbi qulluqçusu, kapitan Məmmədov Alim Nazim oğlunun həmin gün odlu silahdan atəş açmaqla özünü öldürməsi barədə Sumqayıt hərbi prokurorluğuna məlumat daxil olmuşdur.
Hərbi Prokurorluqdan Metbuat.az-a verilən məlumata görə, daxil olmuş məlumat əsasında Sumqayıt hərbi prokurorluğunun əməkdaşları tərəfindən dərhal hadisə yerinə və meyitə baxış keçirilmiş, iş üçün əhəmiyyət kəsb edən predmetlər maddi sübut kimi götürülmüş, izahatlar alınmış və digər hərəkətlər icra edilmişdir.
Fakt üzrə Sumqayıt hərbi prokurorluğunda Azərbaycan Respublikası Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılaraq şahidlər dindirilmiş, müvafiq ekspertizalar təyin edilmiş və təxirəsalınmaz zəruri istintaq hərəkətləri həyata keçirilmişdir.
Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin ediləcəkdir.
Hərbçinin özünü güllələməsi ilə bağlı cinayət işi açıldı - RƏSMİ
Penitensiar Xidmətin əsgərinin özünü güllələməsi ilə bağlı Prokurorluqdan RƏSMİ AÇIQLAMA
Vətən müharibəsi qazisinin intiharı ilə bağlı cinayət işi açıldı
Azərbaycanda GÜCLÜ PARTLAYIŞ - ÖLƏN VAR
SON DƏQİQƏ – İRAN-AZƏRBAYCAN SƏRHƏDDİNDƏ ATIŞMA
