Ramazan ayı ərzində Suriyada 271 nəfər öldürülüb

Ramazan ayı başlayandan bəri Suriyadakı hərbi əməliyyatlar zamanı öldürülən dinc insanların sayı açıqlnıb. Modern.az-ın Türkiyə KİV-nə istinadən verdiyi xəbərə görə, Ramazan ayı ərzində həyata keçirilən hərbi əməliyyatlarda 271 günahsız suriyalı öldürülüb.

Suriyada iqtidar qüvvələri ilə Rusiyaya məxsus qırıcıların müxaliflərə qarşı Şam, Dareyya, Doğu Quta, Hələb, İdlib, Deyruz Zor və Dərada baş tutan əməliyyatlarında 17 uşaq, 14 qadın məhv edilib və yüzlərlə kişi yaralanıb. Raketlərin əsas hədəfləri xəstəxanalar, məktəblər və bazarlar olub.

Ramazan ayı ərzində ən çox silahlı əməliyyatlar Hələbdə həyata keçirilib. Belə ki, təkcə Hələbdə orucluq günlərində 155 nəfər hərbi əməliyyatlar zamanı öldürülüb.