Azərbaycan İdeyası

Azərbaycanda şok hadisə: Prezident təqaüdçüsü 6 maşını yandırdı - FOTOLAR

Tarix:25-06-2016, 19:25
Baxış Sayı:1 308

Azərbaycanda şok hadisə: Prezident təqaüdçüsü 6 maşını yandırdı - FOTOLAR
Gədəbəy rayonunun Arabaçı və Zamanlı kəndlərdinə 6 ədəd avtomobil yandırılıb.

2 ədəd Niva, 2 ədəd “QAZ 53”, 1 ədəd “UAZ” (Vilis), 1 ədəd “Zil” maşını qəsdən yandırılaraq tam yararsız hala salınıb.

Yollar sel səbəbindən yararsız hala düşdüyündən yanğınsöndürənlər hadisə yerinə gələ bilməyib.

Kəndin bələdiyyə sədri Əlövsət Bayramov faktı təsdiqləyib. Bildirib ki, hadisə səhər saat 5 radələrində baş verib. Bələdiyyə sədrinin sözlərinə görə, hadisəni Fərzalı kənd sakini 25 yaşlı Vəliyev Novruz Kərəm oğlu törədib:

“Hadisəni törədən şəxs ruhi xəstədir. O, maşınları yandırandan sonra gizlənmişdi. Onu səhər saatlarında yaşayış olmayan evdən tapdıq. Atası Novruzu Bakıda yerləşən Ruhi Əsəb Dispanserindən yenicə çıxarmışdı. Bir müddət orada müalicə alıb. Üzünə baxanda onun ruhi xəstə olduğunu bilmək olmur”.

Bələdiyyə sədrinin sözlərinə görə, bir gecədə 6 maşın yandıran şəxs ixtisasca hüquqşünasdır: “Novruz ali təhsillidir. Dövlət universitetinin hüquq fakültəsini bitirib. Savadlı oğlandır. O, qəbul imtahanlarında yüksək bal topladığına görə prezident təqaüdü alıb.

Novruz bu gecə mənim də maşınıma girib, amma yandırmayıb. O, maşınları düz saxlanılmamasına görə yandırdığını bildirib. Yandırdığı maşınların hərəsi bir evin həyətində olub. Hər birinin içinə benzin tökərək od vurub. Həmin gənc bir müddət öncə qonşularından birinin evin də yandırmışdı”.

Hazırda kənd sakinləri tərəfindən tutulan gənc polisə təhvil verilib.

Qeyd edək ki, Qarayev Bəhman, Qasımov Qüdrət, Vəliyev Ceyhun, Vəliyev Qalib, Nürəddin adlı Arabaçı kənd sakininin maşını yandırılıb. (Azvision.az)

OXŞAR XƏBƏRLƏR
Həyət evi olanların nəzərinə: sentyabrın 1-dən...
Həyət evi olanların nəzərinə: sentyabrın 1-dən...
Sabah daha 3 itkin-şəhid dəfn olunacaq
Sabah daha 3 itkin-şəhid dəfn olunacaq
Beyləqan səhiyyəsinə ağır itki üz verib - FOTO
Beyləqan səhiyyəsinə ağır itki üz verib - FOTO
Suriyanın “Vətən” saytında Mehriban Əliyeva haqqında məqalə dərc olunub
Suriyanın “Vətən” saytında Mehriban Əliyeva haqqında məqalə dərc olunub
Sabah 39 dərəcə isti olacaq - PROQNOZ
Sabah 39 dərəcə isti olacaq - PROQNOZ
"Sədərək"dəki yanğına görə sahibkarlara dəymiş ziyanı kim ödəyəcək?
"Sədərək"dəki yanğına görə sahibkarlara dəymiş ziyanı kim ödəyəcək?
Gəncədə 29 yaşlı oğlan bıçaqlanıb,
Gəncədə 29 yaşlı oğlan bıçaqlanıb,
"Sədərək"də yanğın zamanı 12 nəfər tüstüdən zəhərlənib - YENİLƏNİB
"Sədərək"də yanğın zamanı 12 nəfər tüstüdən zəhərlənib - YENİLƏNİB