Azərbaycanda xəstəxanada daha bir faciəli ölüm hadisəsi baş verib. Zaqatala rayon mərkəzi xəstəxanasında 6 aylıq uşaq həkim səhlənkarlığı ucbatından dünyasını dəyişib. Bu barədə xəstənin yaxınları məlumat verib.
Onların sözlərinə görə, uşağın vəziyyəti ağır olduğundan onu Bakıya gətirmək istəyiblər. Lakin həkimlər deyib ki, özləri əməliyyat edəcəklər. Nəticədə uşaq dünyasını dəyişib.
Bundan sonra uşağın yaxınları ilə həkimlər arasında dava düşüb. Xəstəxanaya polis əməkdaşları cəlb olunub. Baş həkim və digər həkimlərin xəstəxanadan qaçdığı deyilir.
Zaqatala rayon mərkəzi xəstəxanasından ölüm faktını təsdiqləyiblər. Xəstəxanadan bildirilib ki, dünyasını dəyişən uşağın adı Səlim Laçınovdur.
"O iki gün əvvəl əməliyyat olunub. Uşaq bağırsaq keçirməzliyindən əziyyət çəkirdi. Əməliyyatdan sonra vəziyyəti ağır olaraq qalıb və bu gün dünyasını dəyişib", - deyə xəstəxanadan bildirilib. (anspress)
Bakıda azyaşlı uşaq balkondan düşdü Xəstəxanadan bildirdilər ki, azyaşlının vəziyyəti ağırdır.
Təbriz xəstəxanası azərbaycanlı körpənin meyitini vermir
İki qardaş bıçaqlandı, biri öldü
Azərbaycanda jurnalistin ailəsində faciə
