Azərbaycanlı qadın qohumunu sulfat turşusu ilə yandırdı

Başqırdıstanda azərbaycanlı qadın yaxın qohumunun üzünə sulfat turşusu tökərək yandırıb. Virtualaz.org Rusiya mətbuatına istinadən bildirir ki, hadisə Ufa şəhərində iyulun 2-də baş verib. 28 yaşlı azərbaycanlı Laura Babayeva 26 yaşlı qohumunun evinə gələrək onun üzərinə sulfat turşusunu atıb.

Nəticədə qızın bədənin 68%-i yanıb. Təcili xəstəxanaya yerləşdirilən zərərçəkmişin vəziyyəti ağırdır. Başqırd hüquq-mühafizə orqanları hadisəni törədən L. Babayevanın axtarışlarına başlayıb. O, “öldürməyə cəhd” maddəsi ilə ittiham olunur.