Tərtərin Qaraqoyunlu kəndində evlərə basqın edən maskalı şəxs saxlanılıb. APA-nın Qarabağ bürosunun xəbərinə görə, saxlanılan şəxs elə həmin kəndin sakini, 21 yaşlı Ağacanov Azər Ağacan oğludur.
Tərtər Rayon Polis Şöbəsinin müstəntiqi Tural Əhmədli bildirib ki, saxlanılan şəxs artıq əməlini etiraf edib. Müstəntiqin sözlərinə görə, A. Ağacanovun basqın etdiyi ailələrin hər üçü ailə başçısını itirib. O, aprelin 20-da qarət məqsədilə kənd sakinləri Maral Əliyeva, Tamella Əliyeva və Nəzakət Məmmədovanın evlərinə girsə də, məqsədinə nail ola bilməyib. A. Ağacanov cinayət məsuliyyətinə cəlb edilib. Araşdırma davam edir. 
Maskalı şəxslər sürücünü döyüb - Avtomobildən külli miqdarda pul aparıblar
Lerik sakininin qulağını kəsməkdə şübhəli bilinən iki nəfər saxlanılıb
Xaçmazda iş adamını öldürən şəxs yaxalandı
Bu rayonda gecə küçəyə çıxmamaq tövsiyə edildi - Saqqallı kişi...
Gecə qadının avtomobilinə soxulan 21 yaşlı oğlan tutuldu – BAKIDA
