Qonşu ilə mübahisə etdi, bıçağı qardaşına vurdu

Qardaş qardaşını bıçaqlayıb. Gununsesi.info xəbər verir ki, hadisə Abşeron rayonu Qobu qəsəbəsində baş verib. Qəsəbə sakini 39 yaşlı Kamran Əlicanov qardaşı Qılmanı bıçaqlayıb. Yaxalanaraq Abşeron rayon polis idarəsinə gətirilən Kamran Əlicanov istintaqa verdiyi ifadəsində qardaşı ilə deyil qonşu ilə mübahisə etdiyini bildirib.

Əlicanovun sözlərinə görə 20 il həbsxana həyatı yaşamış qardaşı Qılmanla küsülü olub. İki gün əvvəl isə məhəllələrində yaşayan qonşu ilə mübahisəsi düşüb. Sonra mübahisə etdiyi adamın Qılmanla birlikdə onun qapısının qarşısında oturduğunu görüb.

Qonşunu müdafiə edən Qılman beli götürərək qardaşı Kamranın üstünə cumub. Bu zaman Kamran isə özünü müdafiyə etmək üçün bıçağa əl atdığını deyir. Baş vermiş faktla əlaqədar Abşeron rayon polis idarəsində Cinayət işi başlanıb. İstintaq araşdırmaları davam edir.