Qızına internetdə yeni ər axtaran qadın məhkəmə önündə

Rusiyanın Novokuznetsk şəhərində 57 yaşlı qadın iki il ərzində qızının çılpaq fotolarını internetə yüklədiyi üçün həbs olunub.

Criminal.az-ın lent.az-a istinadən xəbərinə görə, ona qarşı şəxsi həyatın toxunulmazlığını pozma maddəsi ilə ittiham irəli sürülüb. İstintaqla müəyyən edilib ki, qadın qızının adından sosial şəbəkələrdə səhifələr açaraq, müxtəlif kişilərlə yazışıb, müxtəlif fotolarını, o cümlədən çılpaq şəkillərini onlara göndərib. Bununla da qızının konstitusion hüquqlarını pozub. Tanışları vasitəsilə məsələdən xəbər tutan qızı dərhal hüquq-mühafizə orqanlarına müraciət edib.

Qadın isə ifadəsində bildirib ki, kürəkənindən xoşu gəlmədiyi üçün internetdə qızına yeni ər axtarırmış.