Ana və 7 yaşlı qızı bıçaqlandı - Gəncədə

Gəncə şəhərində bıçaqlanma hadisəsi baş verib.
Korrupsiya və Qanun qəzetinə istinadən APA-nın qərb bürosunun verdiyi məlumata görə, Gəncə şəhər sakini, 1977-ci il təvəllüdlü Xarafruz Elnarə və onun 7 yaşlı qızı Xarafruz Səkinə bıçaq xəsarətləri ilə Gəncə şəhər Təcili Tibbi Yardım xəstəxanasına yerləşdirilib.
Dərhal əməliyyat edilən ana və övladının vəziyyəti orta-ağır qiymətləndirilir. Qadın spirtli içki qəbul edən qaynı tərəfindən bıçaqlandıqlarını deyib.
Faktla bağlı Gəncə şəhər Baş Polis İdarəsində araşdırma aparılır.