Fazil İsgəndər dünyasını dəyişdi

Rusiyanın məşhur yazıçılarından olan Fazil İsgəndər bu gün 87 yaşında uzun sürət xəstəlikdən sonra dünyasını dəyişib.

Fazil Abduloviç İsgəndər 6 mart 1929-cu ildə Abxaziyanın Suxumi şəhərində əslən iranlı olan keçmiş kərpic zavodu müdirinin ailəsində doğulub. 1938-ci ildə gələcək yazıçının atası SSRİ-dən deportasiya olunub və oğlunu bir daha görməyib. O, ədəbiyyata 1957-ci ildə işıq üzü görən “Dağ cığırları” adlanan şeirlər kitabı ilə gəlib. 1962-ci ildən nəsr əsərləri yazmağa başlayıb. 1966-cı ildə çap olunan “Kozlotur bürcü” əsərindən sonra yazıçı kimi böyük şöhrət qazanıb.

F.İsgəndərin əsərləri, demək olar ki, bütün Avropa dillərinə tərcümə olunub.