Ailədaxili münaqişə - iki nəfər xəsarət aldı

Cəlilabadda ağır cinayət hadisəsi baş verib.
ATV.az xəbər verir ki, rayonun Muğan kəndində İsgəndər Əliyev keçmiş həyat yoldaşı Şamama Qürbətovanın yaşadığı evə girərək, ona və 12 yaşlı oğlu Səid Əliyevə balta ilə xəsarət yetirib. Daha sonra o, böyük oğlu Fəridlə dava edib. Qəzəblənmiş ata 17 yaşlı övladını əlləri ilə boğmağa çalışsa da, Fərid atasının əlindən xilas olaraq qaçıb. Evdəki qışqırıq səsinə qonşuların gəldiyini görən İsgəndər Əliyev aradan çıxıb. Yaralılar qonşuları tərəfindən dərhal xəstəxanaya yerləşdiriliblər. İlkin ehtimala görə hadisənin İsgəndər Əliyevin boşanmadan sonra arvadına aliment ödəməkdən imtina etməsi səbəbindən baş verdiyi bildirilir. Faktla bağlı araşdırmalara başlanıb. Polis cinayəti törətmiş şəxsin yaxalanması istiqamətində zəruri əməliyyat - axtarış tədbirləri görür.