İkimərtəbəli ev yandı

Lənkəranda yanğın hadisəsi baş verib.

Criminal.az bildirir ki, bu barədə Fövqəladə Hallar Nazirliyi məlumat yayıb.

Nazirliyin məlumatına görə, rayonun Qumbaşı kəndində vətəndaşa məxsus ümumi sahəsi 240 m2 olan ikimərtəbəli, 6 otaqlı evin 1-ci mərtəbəsində bir otağın yanar konstruksiyaları 20 m2, 2-ci mərtəbəsində 1 otağın və aynabəndin yanar konstruksiyaları və ev əşyaları 60 m2 sahədə yanıb. Evin qalan hissəsi yanğından mühafizə olunub.

Yanğın saat 04:37-də yanğınsöndürənlər tərəfindən söndürülüb.