Qız ögey anasının qızıllarını oğurladı - FOTO + VİDEO

Qız tanışı ilə əlbir olub, ögey anasının qızıllarını oğurladı.

Paytaxtın hüquq-mühafizə orqanları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində Yasamal rayonu ərazisində törədilmiş quldurluq cinayətinin üstü açılıb.

İyulun 27-də saat 11 radələrində Yalçın Ramazanov tanışı Nəzrin Əliyeva ilə qabaqcadan əlbir olaraq qızın analığı Tatyana Alimovaya məxsus qızıl-zinət əşyalarını ələ keçirmək məqsədilə, onun yaşadığı mənzilə daxil olub. O, özünü Qaz İstismarı İdarəsinin əməkdaşı kimi təqdim edib. Qadının əllərini və boğazını yapışqan lentlə bağlayıb, ona yumruqla xəsarət yetirən şəxslər evi qarət ediblər.

Faktla bağlı Yasamal rayon Polis İdarəsinin İstintaq Şöbəsində Cinayət Məcəlləsinin 181.2.3-cü (quldurluq, yaşayış sahəsinə qanunsuz olaraq girməklə törədildikdə) maddəsi ilə cinayət işi başlanıb. Həyata keçirilmiş tədbirlər nəticəsində Yalçın Ramazanov və Nəzrin Əliyeva cinayəti törətməkdə şübhəli şəxs qismində tutularaq istintaqa cəlb olunublar. Hazırda iş üzrə istintaq tədbirləri davam etdirilir. (Region TV)
[xfgiven_embed] [/xfgiven_embed] [xfgiven_youtube][/xfgiven_youtube]