21 yaşlı oğlan özünü bıçaqladı

Şəmkir rayon sakini bıçaq xəsarəti ilə xəstəxanaya yerləşdirilib.

Criminal.az APA-ya istinadən xəbər verir ki, rayon sakini 1995-ci il təvəllüdlü Sabir Əsgərov qarnının ön divarının kəsilmiş deşilmiş yarası xəsarəti ilə Şəmkir rayon Mərkəzi xəstəxanaya yerləşdirilib.

Dərhal əməliyyat edilən yaralının vəziyyəti orta ağır qiymətləndirilir. S.Əsgərovun dediyinə görə o, özü özünə bıçaqla xəsarət yetirib.

Faktla bağlı hüquq mühafizə orqanları tərəfindən araşdırma aparılır.