Balakən Mərkəzi Rayon Xəstəxanasından (RMX) APA-ya verilən məlumata görə, rayonun Gərəkli kənd sakini, 1986-cı il təvəllüdlü Ruslan Adil oğlu Zeynalov oktyabrın 18-i axşam saatlarında bədənin müxtəlif nahiyələrində çoxsaylı bıçaq xəsarəti ilə xəstəxanaya daxil olub. Ruslan Zeynalovun belin sağ və sol kürək nahiyələrindən ümumilikdə kəsilmiş və deşilmiş 5 bıçaq xəsarəti, ayağın bud nahiyəsindən 2 və üzündən 1 bıçaq xəsarəti aldığı məlum olub. Cərrahiyə əməliyyatı olunan Ruslan Zeynalov xəstəxananın reanimasiya şöbəsinə yerləşdirilib, vəziyyəti orta-ağır qiymətləndirilir.
"Korrupsiya və Qanun" qəzetinin aldığı məlumata görə Rayon Polis Şöbəsindən APA-ya bildirilib ki, hadisə rayonun Qullar kəndində baş verib. Ruslan Zeynalovla həmin kəndin sakini, 1984-cü il təvəllüdlü Elvin Eldar oğlu Nastakalov arasında mübahisə düşüb. E.Nastakalov üzərindəki bıçaqla R.Zeynalova xəsarətlər yetirib. Hadisəni törədən şəxs tutulub. Hadisə baş verən zaman hər iki şəxsin içkili olduğu bildirilir.
Araşdırma aparılır.
Bakıda 2 nəfəri bıçaqlayan şair həbs edildi - YENİLƏNİB 4
Ana və 7 yaşlı qızı bıçaqlandı - Gəncədə
Bu gün axşam saatlarında Şabranda yol nəqliyyat hadisəsi baş verib.
Bakıda 20 yaşlı qızın bıçaqladığı adam öldü
Novxanıda qız oğlanın qanını tökdü - YENİLƏNİB
