Dövlət Gömrük Komitəsinin Astara Gömrük İdarəsinin əməkdaşları külli miqdarda narkotik vasitənin respublikamıza keçirilməsinin qarşısını alıblar. CTV (Region TV) xəbər verir ki, daxil olan əməliyyat məlumatına əsasən gömrükçülər tərəfindən İran İslam Respublikasından gələn Tacikistan Respublikasının vətəndaşı, 1985-ci il təvəllüdlü Mohemmedemin Sabiroviç İsmoilovun idarə etdiyi “DAF” markalı, GP 6925 dövlət nömrə nişanlı ağırtonajlı yük maşını saxlanılıb.
Müayinə aparatı vasitəsilə maşına baxış keçirilib və bu zaman əvvəlcədən hazırlanmış xüsusi gizli saxlanc yerlərində narkotik vasitəyə bənzər maddələrin təsviri müşahidə edilib. Bundan sonra gömrükçülərlə sərhəd nəzarət məntəqəsinin əməkdaşları birlikdə avtomaşında yoxlama aparıb və nəqliyyat vasitəsindən xeyli miqdarda narkotik vasitə olan heroin aşkar olunub.
Nəqliyyat vasitəsini idarə edən sürücü ilkin ifadəsi zamanı Azərbaycandan tranzit keçməklə Gürcüstana getmək istədiyini bildirib. Faktla bağlı Dövlət Gömrük Komitəsində araşdırma davam etdirilir.
Düz bağırsağında Azərbaycana 59 qram narkotik keçirmək istədi
Gömrükdə külli miqdarda siqaret aşkar olunaraq götürüldü
İran vətəndaşının maşınından külli miqdarda dollar aşkarlanıb
Xurmanın içinə narkotik vasitə doldurub, sərhədi keçmək istədi
