Ələt-Astara avtomobil yolunda daha bir qəza baş verdi - 7 yaralı

İndiki saatlarda Ələt-Astara avtomobil yolunun Salyan rayonunun Dayıkənd kəndindən keçən hissəsində BMW və "Opel” markalı minik avtomaşınları qarşı-qarşıya toqquşub. Virtualaz.org saytının Şirvan bürosunun əldə etdiyi məlumata görə, hadisəyə səbəb qaranlıq yola qəfil inək çıxması olub.

İnəyi vuran avtomaşınlardan biri idarəetməni itirərək digəri ilə qarşı-qarşıya toqquşub. Hadisə nəticəsində hər iki avtomobildə olan və xəsarət alan 7 nəfər Salyan Mərkəzi Rayon Xəstəxanasına gətirilib. Xəstəxanadan saytımıza bildirildiyinə görə, bütün xəstələrin xəsarətləri yüngül olduğundan elə bu gün ambulator müalicəyə buraxılacaqlar.

Onu da qeyd edək ki, hər iki sürücü əslən Masallı rayonundandırlar. Hazırda xəsarət alanların şəxsiyyəti dəqiqləşdirilir. Faktla bağlı Dövlət Yol Polisində araşdırmalara başlanılıb.