Antalyadan Bakıya gələn şəxsdən “beşbarmaq” və dəyənək tapıldı

Antalya-Bakı aviareysilə gələn Azərbaycan vətəndaşının baqajına rentgen aparatıyla baxış zamanı monitorda “beşbarmaq” və dəyənəyin təsvirləri görünüb. Criminal.az saytının Dövlət Gömrük Komitəsinə istinadən məlumatına görə, Hava Nəqliyyatında Baş Gömrük İdarəsinin əməkdaşları həmin baqaja təkrar yoxlama keçiriblər.

Yoxlama nəticəsində vətəndaşın çantasından 1 ədəd metaldan hazırlanmış “beşbarmaq” və 1 ədəd dəyənək aşkar olunaraq götürülüb.