Hacıqabulda baş verən qəzada xəsarət alanların VƏZİYYƏTİ AÇIQLANDI

Hacıqabulda baş verən yol-nəqliyyat hadisəsi zamanı xısarət alan şəxslərin vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) bildirilib ki, iyulun 25-də saat 13:15-də Bakı-Qazax magistralının Hacıqabul rayonu ərazisində baş verən yol-nəqliyyat hadisəsi səbəbi ilə xəsarət alan iki nəfər (bir kişi, bir qadın) Şirvan Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub.

"Onlara bədənin müxtəlif nahiyələrinin çoxsaylı travmaları diaqnozu təyin edilib.

Hazırda xəsarət alan şəxslər instrumental diaqnostik müayinələrə cəlb olunublar", - deyə məlumatda bildirilir.

Bakı-Qazax magistralının Hacıqabul rayonu, Nəvahi qəsəbəsinin ərazisindən keçən hissəsində yol-nəqliyyat hadisəsi baş verib.

Hadisə bu gün saat 12 radələrində qeydə alınıb.

Belə ki, Gəncə sakini Dəmir Əli oğlu İsmayilov idarə etdiyi "Mercedes" markalı, 77-EV0-029 dövlət nömrə nişanlı avtomobilində idarəetməni itirib. Nəticədə avtomobil yoldan çıxıb və dəmir səddi qıraraq yeraltı keçidə aşıb.

Nəticədə sürücü ilə yanaşı sərnişini - Gəncə sakini Yeganə Şəmil qızı Bayramova xəsarət alıblar.

Faktla bağlı araşdırma aparılır.