34 yaşlı səhiyyə naziri xəstəlikdən öldü

Litvanın səhiyyə naziri və Seymin üzvü Yuras Pojela vəfat edib. “Qafqazinfo”nun “Ria Novosti”yə istinadən verdiyi məlumata görə, 34 yaşlı nazir Vilnüsdə xəstəxanalardan birində xəstəlik nəticəsində dünyasını dəyişib.

Y. Pojela bu ilin avqustunda həzm sisteminin pozulması və mədə ağrıları ilə həkimə müraciət edib. Müayinələr nəticəsində onda pankreatit-mədəaltı vəzin iltihabi xəstəliyi aşkar olunub. O zamandan nazirin vəziyyəti ağır olsa da, həkimlər onun sağalacağına ümid ediblər. Santarişçski klinikasında reanimasiya şöbəsində müalicə alan Pojela bu gün ölüb.

Qeyd edək ki, Litva prezidenti Dalya Qribauskayte Yuras Pojelanı cari ilin martında səhiyyə naziri təyin edib.