Tərtər Rayon Polis Şöbəsinə Düyərli kənd sakini olan bir nəfərin narkotik istifadəçisi olması və üzərində narkotik vasitə gəzdirməsi barədə əməliyyat məlumatı daxil olub.
Məlumatın yoxlanması məqsədilə həmin şəxsin saxlanması istiqamətində müvafiq tədbirlərə başlanıb.
Əməliyyat qrupu əlində çanta olan həmin şəxsi Düyərli kəndi ərazisində əkin sahəsindən evə qayıdarkən saxlayaraq Polis Şöbəsinə gətirib. Araşdırmalarla onun kənd sakini Qədir Qədimzadə olduğu müəyyən edilib. Onun üzərinə və çantasına baxış keçirilib. Çantadan 2 sellofan torbada yaşıl, qoxulu maddə aşkar edilərək götürülüb və ekspertizaya təqdim olunub. Ekspertiza həmin maddənin ümumi çəkisi 5 kiloqram 315 qram olan qurudulmuş marixuana olması barədə rəy verib.
Faktla bağlı cinayət işi açılıb. İstintaq-əməliyyat tədbirləri aparılır.
Natiq CAVADOV
DİN mətbuat xidmətinin əməkdaşı
[xfgiven_embed] [/xfgiven_embed]
[xfgiven_youtube][/xfgiven_youtube]