Xəbər verdiyimiz kimi, dünən axşam İsmayıllı rayonunun Topçu kəndində dəhşətli yol qəzası baş verib. Qəzada 3-ü azyaşlı olmaqla 7 nəfər dünyasını dəyişib.
"Qafqazinfo”nun əldə etdiyi məlumata görə, qəza zamanı toqquşan “Opel Zafira” avtomobilinin Qaxdan Bakıya gəldiyi məlum olub və ölənlər də Qax və Şəki sakinləridir. Bir ailədən ata iki qızı ilə, digər ailənin isə başçısı və iki oğlu həlak olub.
1978-ci il təvəllüdlü Bayramov Ruzigar Məmməd oğlu, Qax sakinləri - 1977-ci il təvəllüdlü Kərimov Yaşar Kamal oğlu,1998-ci il təvəllüdlü Kərimli Rufanə Yaşar qızı, eləcə də 3 yeniyetmə - Qax sakinləri, 2001-ci il təvəllüdlü Kərimzadə Turanə Yaşar qızı, 2003-cü il təvəllüdlü Bayramov Sahib Ruzigar oğlu və 2006-cı il təvəllüdlü Bayramov Cavid Ruzigar oğlu və Şəki sakini Rahim Abbasov aldıqları xəsarətdən hadisə yerində ölüb.
Qəzada dünyasını dəyişənlərin əksəriyyəti Qax rayonunun Qazmalar kənd sakinləridir. Hazırda onların cəsədləri Qaxa aparılır.
Avtomobilə baxış zamanı məktəbli çantaları tapılıb.
Qeyd edək ki, qəzada ağır xəsarət alan “Toyota Prado” nun sürücüsü, Böyük Britaniya vətəndaşı Vilyam Henri isə Qəbələ Müalicə Diaqnostika Mərkəzinə aparılıb.
Azərbaycanda dəhşətli qəza: 7 ölü – FOTO + YENİLƏNİB
DİN Xızıda baş vermiş qəzada ölən və yaralananların adlarını açıqladı
Dəhşətli qəzada ölən tələbələrin - Fotosu
Maşın aşdı, sürücünün anası öldü
Bakıda “Land Cruiser” dəhşətli qəza törətdi: ölənlər var
