Bakı metrosunda ölüm - YENİLƏNİB

Ötən gecə Bakı Metropoliteninin “Koroğlu” stansiyasında qəfil ölən şəxsin kimliyi müəyyənləşib.
Korrupsia-q.az lent.az-a istinadən xəbər verir ki, metronun pilləkənində halı pisləşən və oradaca keçinən şəxsin paytaxt sakini, 1964-cü il təvəllüdlü Əliyev Zahid Əbdülməmməd oğlu olduğu müəyyən edilib.

Onun ürək çatışmazlığından öldüyü bildirilir.

Faktla bağlı araşdırma aparılır.

01.10.2017 23:45

Bakı metropoliteninin ərazisində ölüm hadisəsi baş verib.

Korrupsiyaq-q.az "Report"a istinadən xəbər verir ki, hadisə "Koroğlu" metrostansiyasının Nizami rayonu ərazisində yerləşən hissəsində qeydə alınıb.

Metrodan çıxan orta yaşlı kişi çıxışda pilləkənləri qalxarkən qəfil halı pisləşərək dünyasını dəyişib.
Ətrafdakı insanlar hadisə yerinə "təcili yardım" maşını çağırıblar. Xidmətin həkimləri ilkin rəy kimi onun ürək tutmasından öldüyünü bildiriblər.
Buna baxmayaraq, Nizami Rayon Polis İdarəsinin əməkdaşları meyiti müayinə üçün Məhkəmə Tibbi Ekspertiza və Patoloji Anatomiya Birliyinə təhvil veriblər.