Binəqədidə yanacaqdoldurma məntəqəsinə hücum etdilər

Axşam saatlarında 2 nəfər şəxs yanacaqdoldurma məntəqəsinə daxil olaraq nəzarətçi Ruslan Vəliyevi döyüblər. Sonra isə nömrəsiz avtomobillə ərazini tərk ediblər. Döyülən nəzarətçi dərhal polisə məlumat verib. Hadisə yerinə gələn Binəqədi RPİ-nin əməkdaşları müşahidə kameralarını nəzərdən keçiriblər və əməliyyat-axtarış tədbirlərinə başlayıblar.
Hazırda həmin şəxslərin saxlanılması istiqamətində işlər aparılır.
Faktla bağlı Binəqdi RPİ-də cinayət məcəlləsinin müvafiq maddəsi ilə cinayət işi başlanıb.(ölkə.az)