Keçmiş məhkum 50 illik yubileyinə iki gün qalmış yenə tutuldu - FOTO

Xırdalanda keçmiş məhkum 50 illik yubileyinə iki gün qalmış yenidən tutulub.

Musavat.com xəbər verir ki, Abşeron Rayon Polis idarəsinə ərizə ilə müraciət edən vətəndaş Ruslan Mehdiyev Xırdalan şəhərində ona məxsus evdən oğurluq olunması barədə məlumat verib. Fərdi yaşayış evinə baxış keçirən polis əməkdaşları oradan vətəndaşa məxsus 4000 min manat dəyərində olan qızıl-zinət əşyalarının oğurlandığını müəyyən ediblər.

Rayon polis idarəsinin cinayət axtarış şöbəsi əməkdaşlarının keçirdiyi əməliyyat tədbirləri nəticəsində oğurluq hadisəsini törətməkdə şübhəli bilinən Oktay Ağabalayev saxlanılıb. İdarəyə gətirilərək dindirilən Oktay törətdiyi əməli etiraf edib.

Məlum olub ki, Oktay Ağabalayev 49 illik ömrünün 22 ilini həbsdə keçirib. İki gün sonra 50 yaşını qeyd etməyə hazırlaşdığını deyən Oktayı yenidən həbsxana həyatı gözləyir.

Faktla bağlı Abşeron Rayon Polis İdarəsində Cinayət Məcəlləsinin 177-ci (Oğurluq) maddəsi ilə cinayət işi başlanıb, araşdırma aparılır.