Qatarda nasazlıq, sərnişinlər təxliyə edildi

Bu gün günorta saatlarında metronun “Həzi Aslanov” – “İçəri Şəhər” istiqamətində hərəkət edən qatarda texniki nasazlıq yaranıb.
“Bakı Metropoliteninin” mətbuat xidmətinin rəhbəri Bəxtiyar Məmmədov ONN media-ya bildirib ki, nasazlıq qatarların hərəkətində gecikməyə səbəb olub:
“Saat 13:11 radələrində “Qara Qarayev” stansiyasında qatarda nasazlıq müşahidə edilib. Maşinist 7-8 dəqiqə ərzində nasazlığı aradan qaldırıb. Sərnişinlər həmin qatardan çıxarılıb və həmin qatar depoya göndərilib. Bu proses də qatarların hərəkətinə gecikməyə səbəb olub.