Ötən gecə baş verən zəlzələ ilə əlaqədar Şamaxıda xəstəxanaya müraciət edən bütün xəstələr ambulator müalicəyə buraxılıb.
Bu barədə Oxu.Az-a açıqlamasında Şamaxı Şəhəri Mərkəzi Xəstəxanasının baş həkimi Səməd Fətəliyev deyib.
Onun sözlərinə görə, müraciətlər əsasən şəkər, hipertoniya, ürəyin işemik xəstəliyi ilə bağlı olub:
“Təxminən 30 nəfər müraciət edib. Onların üçünün vəziyyəti ağır olub. Bütün xəstələr müvafiq yardım göstərilib”.
Ötən gecə baş verən zəlzələ ilə əlaqədar Şamaxıda xəstəxana gücləndirilmiş rejimdə işləyib.
Bu barədə Oxu.Az-a Səhiyyə Nazirliyindən məlumat verilib.
Bildirilir ki, təcili yardıma 30 müraciət daxil olub.
“Üç nəfər travmatologiya şöbəsinə çatdırılıb. Bir nəfərə qolun sınığı, digər iki nəfərə ayaqlarının əzilməsi diaqnozu qoyulub. Xəsarət alanlara travmatologiya şöbəsində lazımi yardım göstərilib. Digər çağırışlar həyəcandan təzyiqi qalxanlarla əlaqəli olub”, - deyə məlumatda vurğulanır.
Nazirlikdən verilə məlumatda qeyd olunur ki, bir nəfər cavan adamın həyəcandan dili tutulub:
“O da yardım göstərildikdən sonra normal vəziyyətə gətirilib və evinə buraxılıb. Daha bir nəfərin həyəcandan beyninə qan sızıb. 58 yaşı var, reanimasiya şöbəsində müalicə alır. Vəziyyəti ağır qiymətləndirilir”.
ZƏLZƏLƏ TƏLAŞI: dili tutulan, beyninə qan sızan var - RƏSMİ
Göygöldə avtomobil aşıb
Yaralı tələbələrin vəziyyəti necədir? - Rəsmi açıqlama
Natiq Əliyev Türkiyəyə aparıldı – Səhiyyə Nazirliyi (Yenilənib)
82 yaşlı qadını maşın vurdu
