Göyçayda bankirin oğlu məktəbli qızı maşınla vurub şikəst etdi

İşıqforun qırmızı işığında hərəkət edən sürücü ağır qəza törədib
Yanvarın 28-də Göyçay rayonunun mərkəzində Fərid Abdullayevin idarə etdiyi 10 MX 073 dövlət nömrə nişanlı “VAZ 21 07” markalı avtomobil piyadanı vurub. 11 sinif şagirdi olan qız yolu keçərkən Fərid Abdullayev işıqforun qırmızı işığında hərəkəti davam etdirərək yüksək sürətlə piyadanı vurub. Zərbədən piyadanın onurğa sütunu sınıb.
Hazırda ağır vəziyyətdə xəstəxanadadır.
DİN Mətbuat Xidmətinin Şəki regional qrupunun baş inspektoru, polis leytenantı Mahir Məsimov Unikal.org-a açıqlamasında bildirib ki, qəzanı törədən sürücü Fərid Abdullayevin izahatı alınıb. Göyçay Rayon Polis idarəsində hadisə ilə bağlı araşdırma aparılır.
Qeyd edək ki, Fərid Abdullayevin atası İlqar Abdullayev Göyçayda Zamin bankın filial müdiri olub. Hazırda filial bağlansa da o, valyuta dəyişmə məntəqəsi işlədir. Oğlu isə Göyçayda avtoxuliqanlıq edirmiş. Nəticədə bu cür qəzaya səbəb olub.