Balıqçılardan birinin də meyiti tapıldı.

Xəzər dənizinin Xaçmaz sahilində itkin düşən 3 balıqçıdan daha birinin meyiti tapılıb.

"Korrupsiya və Qanun" qəzetinin məlumatına RTV (Region TV)-yə istinadən xəbər verir ki, balıqçı İlqar Daşdəmirovun meyidi dənizin Niyazabad kəndi sahilində aşkar edilib. Qeyd edək ki, noyabrın 4-də Xəzər dənizinin şimal sahilində içərisində 3 nəfərin olduğu balıqçı qayığı ilə əlaqə kəsilib. Bir gün sonra onlardan birinin, Tikanoba kənd sakini Həmzə Nurəddinovun meyidi sahildən 500 metr içəridə aşkar edilib. Meyit Xəzər dənizinin Şabran rayonunun Çayqaraqaşlı kəndi istiqamətində tapılıb. Fövqəladə Hallar Nazirliyinin Aviasiya dəstəsinin xilasediciləri tərəfindən tapılan meyit sudan çıxarılaraq aidiyyəti üzrə təhvil verilib.
Digər itkin düşən balıqçı Laçın Laçınov axtarışları davam etdirilir.