Bakıda toyda dava, 2 nəfər bıçaqlandı - YENİLƏNİB

KORRUPSİYA-Q.AZ

Avqustun 14-də saat 23:50 radələrində Bakı şəhəri, Binəqədi rayonu, Cavadxan küçəsi 4 saylı ünvanda yerləşən "Üzeyir" şadlıq sarayında qonaqlar arasında yaranmış mübahisə zamanı Seymur Hüseynov, Mahir İbrahimov, Telman Hüseynov və Elton Ağababayev kəsici alətlə yetirilməyə xarakterik müxtəlif dərəcəli bədən xəsarətləri alaraq xəstəxanaya yerləşdiriliblər.

Bakı şəhər Baş Polis İdarəsi və şəhər prokurorluğundan Trend-ə verilən məlumata görə, faktla əlaqədar Binəqədi Rayon Polis İdarəsinin İstintaq şöbəsində Cinayət Məcəlləsinin 221.2.1 (xuliqanlıq, bir qrup şəxs tərəfindən törədildikdə) və 221.3-cü (xuliqanlıq, qərəzli hərəkətlər silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddələri ilə cinayət işi başlanmışdır.

İş üzrə müvafiq ekspertizalar təyin edilmiş, şahidlər dindirilmiş və digər zəruri istintaq hərəkətləri aparılmışdır.

İstintaq zamanı Elton Ağababayevin əsaslı səbəb olmadan bıçaqla Seymur və Telman Hüseynovlara müxtəlif dərəcəli bədən xəsarətləri yetirməsinə şübhələr üçün əsaslar müəyyən edildiyindən o, şübhəli şəxs qismində tutulmuşdur.

Hazırda iş üzrə təqsirli şəxslərin dairəsinin müəyyənləşdirilməsi istiqamətində zəruri istintaq hərəkətləri davam etdirilir.

-----------



Bakıda toyda 2 nəfər bıçaqlanıb.

Milli.Az Trend-ə istinadən xəbər verir ki, hadisə Binəqədi rayonu, 9cu mikrorayon ərazisindəki "Üzeyir" şadlıq evinin həyətində baş verib.

Toyda baş verən dava zamanı 2 nəfər bıçaq xəsarətləri alıb.

Yaralıla xəstəxanaya yerləşdiriliib.

Səhiyyə Naziliyindən Trend-ə verilən məlumata görə, hadisə nəticəsində xəsarət alan 57 yaşlı kişi sağ bazunun kəsilmiş yarası, 24 yaşlı kişi isə üzün və döş qəfəsinin arxa hissəsinin kəsilmiş yarası diaqnozu ilə KTMə aparılıblar.

Milli.Az [xfgiven_embed] [/xfgiven_embed] [xfgiven_youtube][/xfgiven_youtube]