Qarabağda döyüşlər qızışdı, Ermənistan ordusu itkilərini açıqladı

Ermənistan işğalçı qüvvələri təmas xəttinin şimal (Talış-Goranboy) və şimal-şərq (Ağdərə) istiqamətində itki verib.
Korrupsiya və Qanun saytı xəbər verir ki, separatçı erməni rejiminin “müdafiə nazirliyi”nin bildirdiyinə görə bu gün saat 11.00 radələrind təmas xəttinin şimal istiqamətində 1979-cu ildə anadan olmuş, müqavilə əsasında xidmət keçən hərbçi Geqam Manukyan öldürülüb. Bundan əlavə saat 12.00 radələrində təmas xəttinin Ağdərə istiqamətində həqiqi hərbi xidmət keçən əsgər Koryun Kirakosyan ağır yaralanıb.
Xatırladaq ki, Azərbaycan Müdafiə Nazirliyi ötən gün axşam saatlarında erməni silahlı birləşmələrinin ordumuzun mövqelərinə toplardan və minomyotlardan atəş açaraq diversiya həyata keçirməyə çalışdığını bildirib. Nəticədə düşmən mövqelərinə artilleriyadan cavab zərbələri endirilib, ermənilərin istehkam qurğuları dağıdılıb.