"Sabah"ın Çempionlar Liqasının III təsnifat mərhələsindəki rəqibi müəyyənləşdi

"Sabah" UEFA Çempionlar Liqasının III təsnifat mərhələsində "Orxus" (Danimarka) klubu ilə qarşılaşacaq.

Oxu.Az xəbər verir ki, bu, Danimarka təmsilçisinin II təsnifat mərhələsində Polşanın "Lex" komandasını iki görüşün yekununda mübarizədən kənarlaşdırmasından sonra mümkün olub.

Danimarka təmsilçisi ilk oyunda rəqibinə 4:1 hesabı məğlub olsa da, cavab oyununda eyni hesabla "Lex"ə qalib gəlib.

Qalibi müəyyənləşdirmək üçün təyin edilən penaltilar seriyasında zərbələri daha dəqiq yerinə yetirən "Orxus" futbolçuları (4:3) növbəti mərhələyə yüksələrək "Sabah"a rəqib olublar.

Qeyd edək ki, UEFA Çempionlar Liqasının III təsnifat mərhələsinin oyunları avqustun 4-5-i və 11-də keçiriləcək. "Sabah" ilk matçını səfərdə keçirəcək.