Bu gün Bakı İdman Sarayında gənclər və idman naziri Azad Rəhimov və əmək və əhalinin sosial müdafiəsi naziri Sahil Babayev martın 14-22-də BƏƏ-nin paytaxtı Əbu-Dabidə keçiriləcək Ümumdünya Xüsusi Yay Olimpiya Oyunlarına hazırlaşan atletlərimizlə görüşüb.
Korrupsiya-q.az xəbər verir ki, nazir Azad Rəhimov Ümumdünya Xüsusi Yay Olimpiya Oyunlarında dünyanın 170-dən artıq ölkəsini təmsil edən yeddi mindən artıq xüsusi olimpiya idmançısının iştirak edəcəyini deyib.
Nazir yarışlarda Azərbaycanı 56 idmançının on idman növündə təmsil edəcəyini bildirib. Daha sonra hər iki nazir stolüstü tennis oynayıblar.
Məlumat üçün bildirək ki, ilk dəfə Xüsusi Yay Olimpiya Oyunları 1968-ci ildə Çikaqoda (ABŞ) keçirilib. Xüsusi Olimpiya Təşkilatı tərəfindən təşkil olunan bu oyunlar əqli əlillikləri olan insanların öz atletik bacarıqlarını nümayiş etdirmələrinə imkan yaradılması üçün təşkil olunan qlobal inklüzivlik hərəkatıdır.
Ölkəmizdəki xüsusi olimpiya atletlərinin də həmin oyunlarda iştirakı təşkil edilir. Ötən dövrdə idmançılarımız ABŞ-ın Los Anceles şəhərində Xüsusi Olimpiya Oyunlarında atletika, badminton, cüdo, stolüstü tennis, pauerliftinq və üzgüçülük növlərində uğurlu nəticələr göstərərək ölkəmizə 24, o cümlədən səkkiz qızıl, 11 gümüş və beş bürünc medalla qayıdıb.
Gənclər və idman naziri ABŞ-a gedib
Bakı Olimpiya Stadionunun açılacağı tarix məlum olub 06 Fevral, 2015 15:17
Prezident idmançılarımızın yolasalma mərasimində
Atıcılıq mərkəzində də toy etmək olar - Nazi
Nazir Azad Rəhimovun oğlunun Formula1 korrupsiyası – Xarici jurnalistlərə milyardlar sərf edildi
