Polis orqanları tərəfindən yetkinlik yaşına çatmayanlara alkoqollu içkilərin və tütün məmulatlarının satışının qarşısının alınması istiqamətində mütəmadi olaraq tədbirlər keçirilir.
DİN mətbuat xidmətindən Moderator.az-a verilən məlumata görə, yanvarın 9-da Nazirliyin Baş İctimai Təhlükəsizlik İdarəsinin əməkdaşları paytaxtın Nizami rayonu ərazisində növbəti reyd keçiriblər.
Reydlər nəticəsində Q.Qarayev prospektində, R.Rüstəmov və M.Abbasov küçələrində yerləşən mağaza və köşklərdə satıcıların yetkinlik yaşına çatmayanlara tütün məmulatı satmaları aşkar edilib.
Polis əməkdaşları tərəfindən həmin mağazaların 5 satıcısı barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu içkilərin və ya tütün məmulatlarının yetkinlik yaşına çatmayanlara satılmasına görə) protokollar tərtib olunub və hər biri 100 manat cərimə olunublar.
Bu istiqamətdə reydlər davam etdirilir.
20 yeniyetmə qəlyan çəkdiyi üçün saxlanılıb
İki nazirlik hərəkətə keçdi - Bakıda istirahət mərkəzləri cərimə edildi - SİYAHI
Bu il qanunsuz ov edənlərdən 90 tüfəng müsadirə olunub
Azərbaycanda qanunsuz ov edən ərəblər tutuldular
İstirahət mərkəzlərinin sahibləri cərimələndi
