“Azəriqaz”da kadr dəyişikliyi - Yeni baş direktor təyin olundu

“Azəriqaz” İstehsalat Birliyində kadr dəyişikliyi olub.
Birliyin baş direktoru Əkbər Hacıyev vəzifəsindən azad edilib. Onun yerinə “Azəriqaz” İstehsalat Birliyinin baş direktorunun müavini Ruslan Əliyev gətirilib.
Yeni baş direktor açıqlamasında təyinatı təsdiqləyib.
R.Əliyev ona göstərilən etimadı doğruldacağını deyib:
“Bəli, məlumat doğrudur. Təbrik edən hər kəsə təşəkkür edirəm. Böyük etimaddır. Bu etimadı doğrultmaq üçün əlimdən gələni əsirgəməyəcəm”./Modern/