Şamaxıda əxlaqsızlıq yuvası saxlayan qadının məhkəməsi

Şamaxı rayonunun Çağan kəndində anadan olmuş 1959-cu il təvəllüdlü Məfkurə Mustafayevanın cinayət işi üzrə məhkəmə prosesi başa çatıb.
Korrupsiya-q.az-ın əldə etdiyi məlumata görə, 59 yaşlı Məfkurə Mustafayeva yaşadığı Şamaxı şəhəri, Aşıq Məmmədağa küçəsi 88 nömrəli ünvanda fahişəliklə məşğul olmaq üçün əxlaqsızlıq yuvası təşkil edib.
Onun saxladığı əxlaqsızlıq yuvasına müştəri kimi gedən Şamaxı şəhər sakini Adil Paşayev Sabirabad rayon sakini Ətayə Məmmədova (Adil Paşayev və Ətayə Məmmədovanın ad və soyadları şərti verilib) intim əlaqədə olmaq istəyib.
Məfkurə Mustafayeva qadınla intim əlaqədə olmağa şərait yaradılması üçün Adil Paşayevdən 50 manat almaq barədə razılığa gəlib.
50 manatı alan Məfkurə Adil Paşayev və Ətayə Məmmədovanı evinin ayrıca yataq otağına aparıb. Adil Ətayə ilə həmin otaqda intim əlaqədə olan zaman Şamaxı rayon polis şöbəsinin əməkdaşları ora gəliblər.
Polislər evdə əməliyyat-axtarış tədbirləri aparıblar. Əməliyyat zamanı Adil Paşayevin Ətayə ilə intim əlaqədə olması aşkar edilib.