“Zapravka”larda oğurluq - Yanacağı necə və nə qədər kəsirlər?

Yanacaqdoldurma məntəqələrində (YDM) avtomobillərə vurulan yanacağın kəsilməsi ilə bağlı şikayətlərin sayı durmadan artır.

Korrupsiya-q.az azadinform.az-a istinadən xəbər verir ki, son vaxtlar sosial şəbəkələrdə sürücülər tərəfindən qeyd olunur ki, YDM-lərdə benzin və dizel yanacağı vurularkən azı 10% kəsilir. Yəni, misal üçün 30 litr benzin əvəzinə maşının yanacaq deposuna 27 litr yanacaq vurulur. Hətta mətbuatda, sosial şəbəkələrdə tez-tez sürücülərin belə şikayətləri dərc olunur ki, maşına tam depo benzin vurularkən aparatda deponun ümumi tutumundan 10 litr çox benzin vurulduğu göstərilir. Misal üçün, 65 litr tutumu olan depoya 70-75 litr benzin "vurulur”. Halbuki, hələ yanacaq deposunda da 5-10 litr benzin qalmış olur.