Eldar Mahmudov Eldar Həsənova necə yaşıl işıq yandırmışdı...

Azərbaycanın keçmiş baş prokuroru, Serbiyadakı indiki səfiri Eldar Həsənovla əlaqələri olan, bu günlərdə korrupsiya ittihamı ilə dindirilən rumın iş adamı Tiberiu Urdareanunun şirkəti Azərbaycanda kiber-təhlükəsizlik layihəsini keçmiş milli təhlükəsizlik naziri Eldar Mahmudovun göstərişi əsasında qazanıb.
Bu haqda virtualaz.org saytına həmin layihəyə bələd olan mötəbər mənbələr məlumat veriblər.
“UTİ Group” şirkətinin sahibi olan Tiberiu Urdareanu bu günlərdə Rumıniyanın Milli Antikorrupsiya İdarəsində iri məbləğlərdə korrupsiya sövdələşmələri ittihamı üzrə dindirilib. Tiberiu Urdareanu Rumıniya siyasi elitasında güclü əlaqələrə malikdir və hökumət ortağı olan partiyanın rəhbərliyində yer alır.
“UTİ Group” Rumıniyanın kommunikasiya və qiymətli kağızlar bazarında əsas oyunçulardan biridir.