Sumqayıtda yanan ‘Karvan’ın sahibi sahibkarlara vəd verdi - VİDEO

Bir necə gün öncə Sumqayıtda "Karvan" ticarət mərkəzində baş verən yağın hadisəsi zamanı sahibkarlara dəymiş ziyanın hesablanması məqsədi ilə sahibkarların qeydiyyatına başlanılıb.

AZXEBER.COM anspress-ə istinadən xəbər verir ki, Sumqayıt şəhər İcra Hakimiyyətinin şöbə müdiri Seyfəddin Rəhimov hadisə ilə bağlı hal-hazırda araşdırmalar getdiyini deyib. "Dəymiş ziyan hesablandığına görə, hələlik heç nə deyə bilmərəm. Yəqin ki, hər hansı köməklik olacaq”.

"Karvan" ticarət mərkəzinin sahibi Ağamirzə Əhədov da sahibkarların qarşısına çıxıb. “Yəqin ki, nəsə köməklik edərik. Allah özü kömək olsun”.

Qeyd edək ki, ticarət mərkəzində iki gün əvvəl baş vermiş yanğın nəticəsində 23 700 kvadrat metr sahəsi təmamilə yanaraq yararsız vəziyyətə düşüb. Bu gün artıq həmin hissədə təmizləmə işlərinə başlanılmışdı.