BAŞ REDAKTORUMUZUN UĞURU

"Ülfət" Əlillərin Sosial Problemlərinin Həllinə Yardım İctimai Birliyi respublikamızın fəal qeyri-hökumət təşkilatlarından biridir. "QHT.az - Vətəndaş Cəmiyyəti Şəbəkəsi"ndə uğurlu işi ilə seçilən "Ülfət" İB-nin həyata keçirdiyi layihələr cəmiyyətimiz tərəfindən olduqca müsbət qarşılanır. Xüsusən də əlillərin məşğulluğunun təmini, onların seçki aktivliyinin artırılmasına yönəlmək layihələr öz müsbət nəticələrini verməkdədir. Tərəqqipərvər kütləvi informasiya vasitəsi olan "Korrupsiya və Qanun" qəzeti həmin layihələrə - əlillərin sosial problemlərinin həllinə, onların cəmiyyətə inteqrasiyası yönündə görülən işlərə gərəkən informasiya dəstəyini heç vaxt əsirgəməmişdir. Məhz bu səbəbdən qəzetimizin baş redaktoru Xuraman Əhliman qızı Quliyeva "Ülfət" İB-nin Fəxri Fərmanı ilə təltif olunmuşdur. 21.01.2016-cı il tarixdə baş redaktorumuza təqdim olunan fəxri fərmanı qəzetimizin yaradıcı kollektivinin bütün üzvlərinin uğuru kimi qəbul edirik və bu diqqətə görə Birliyin sədri cənab Azər Rəşidova təşəkkürümüzü bildiririk.
Bundan əlavə, 20 yanvar faciəsinin 25-ci ildönümü ərəfəsində faciənin mahiyyətinin mətbuat vasitəsilə geniş ictimaiyyətə çatdırılması yönündə xidmətlərinə görə baş redaktorumuz 20 yanvar Cəmiyyətinin Cəlilabad rayon şöbəsi tərəfindən Fəxri Fərmanla təltif olunmuşdur. Fəxri Fərmanı Xuraman xanıma şöbənin sədri Mirşamil Mürsəlov təqdim etmişdir.

Korrupsiya və Qanun