Tibb Universitetində iki vəzifəli şəxs işdən çıxdı

Azərbaycan Tibb Universitetinə Gəray Gərayzadənin rektor təyinatından sonra bu gün böyük kadr dəyişikliyi olub. Criminal.az saytı xəbər verir ki, Modern.az saytının məlumatına görə, bu gün Azərbaycan Tibb Universitetinin ( ATU) Tədris Terapevtik Klinikasının baş direktoru Surxay Musayev öz ərizəsi ilə tutduğu postdan gedib.

Onun yerinə Tədris Terapevtik Klinikanın Daxili xəstəliklər və Reanimasiya kafedrasının müdiri, dosent Könül Xəlilova təyin edilib. Eyni zamanda Tibb Universitetinin Elmi işlər üzrə prorektoru Rauf Bəylərov da tutduğu vəzifəsindən azad olunub.