Hava Nəqliyyatında Baş Gömrük İdarəsinin əməkdaşları 2 fakt üzrə 37 900 dolların qeyri-qanuni yolla gömrük sərhədindən keçirilməsinin qarşısını alıblar. Bakı-Yekaterinburq aviareysi ilə Rusiyaya getmək üçün Heydər Əliyev Beynəlxalq aeroportuna gələn Azərbaycan vətəndaşı gömrük nəzarəti zonasına daxil olarkən hərəkətləri şübhə doğurduğuna görə saxlanılaraq şəxsi yoxlamaya dəvət olunub.
Onun üzərindən əvvəlcədən gömrük orqanına təqdim olunmayan, elektron və ya yazılı formada bəyan edilməyən 18 600 dollar aşkar edilib. Bakı-Dubay aviareysi ilə Birləşmiş Ərəb Əmirliklərinə getmək üçün Heydər Əliyev Beynəlxalq Aeroportuna gələn digər Azərbaycan vətəndaşı isə şifahi formada bəyan etdiyi 10 min dollardan başqa üzərində xarici valyutanın və ya digər mütləq bəyan olunası əşyaların olmadığını bildirib.
Lakin hərəkətləri şübhə doğurduğuna görə Hava Nəqliyyatında Baş Gömrük İdarəsinin əməkdaşları tərəfindən qanunvericiliyə uyğun olaraq onun üzərində şəxsi yoxlama aparılıb. Yoxlama zamanı 19 300 dollar aşkar edilib.
Hər iki faktla bağlı araşdırma aparılır. (Region TV) 
Rusiyadan gələn azərbaycanlıda 1130 qutu siqaret aşkar edildi
Dubay telefonları gömrükdən keçmədi
Aeroportda soyuq silah aşkar edildi
Gömrükdə külli miqdarda siqaret aşkar olunaraq götürüldü
İran vətəndaşının maşınından külli miqdarda dollar aşkarlanıb
